У Мінскім раёне мужчына загінуў падчас нарыхтоўкі дроваў, паведамілі ў прэс-службе Следчага камітэта.
Раніцай 24 кастрычніка 52-гадовы жыхар вёскі Раўбічы пілаваў дровы вуглашліфавальнай машынкай, надзеўшы на яе дыск па дрэве. Падчас пілавання ён не змог утрымаць механізм — балгарка адляцела і нанесла рэзаную рану ў раёне шыі, пашкодзіўшы артэрыю.
Ад атрыманых траўмаў мужчына памёр. Яго цела знайшла маці, яна і выклікала спецслужбы.
Следчы камітэт праводзіць па гэтым факце праверку.