У Адміністрацыю Лукашэнкі шукаюць намесніка начальніка, які будзе займацца фінансава-эканамічнай дзейнасцю. На гэта звярнула ўвагу выданне telegraf.news.
Галоўнае гаспадарчае ўпраўленне Кіраўніцтва справамі Лукашэнкі апублікавала на партале дзяржаўнай службы занятасці (ДСЗ) вакансію намесніка начальніка.
Новаму спецыялісту гатовыя плаціць штомесяц 3700−3900 рублёў. У абвестцы не гаворыцца, гэта да ці пасля выплаты падаткаў, але, хутчэй за ўсё, гэта сума да выліку падаткаў (як правіла, на партале ДСЗ пазначаюць зарплаты «бруднымі»).
Вось якія патрабаванні да чалавека, які хоча заняць гэтае крэсла:
- вышэйшая адукацыя,
- стаж працы на кіраўнічых пасадах не менш за пяць гадоў,
- досвед працы з бюджэтным фінансаваннем (пажадана).
Таксама ў апісанні вакансіі сказана, што гэты намеснік начальніка галоўнага гаспадарчага ўпраўлення Кіраўніцтва справамі курыруе фінансава-эканамічную дзейнасць арганізацыі.
Дарэчы, на партале ёсць яшчэ вакансіі гэтай дзяржструктуры. Паглядзелі, якія заробкі прапанавалі іншым работнікам:
- галоўны інжынер па каштарыснай рабоце — 1800−1900 рублёў,
- медсястра — 1300−1500 рублёў,
- начальнік аддзела абслугоўвання будынкаў і тэрыторый — 2700−2900 рублёў,
- бухгалтар — 1500−1600 рублёў,
- галоўны інжынер-энергетык — 1700−1800 рублёў,
- доктар-спецыяліст на паўстаўкі — 750−900 рублёў,
- начальнік аддзела галоўнага энергетыка — 2700−2900 рублёў,
- начальнік фінансава-эканамічнага ўпраўлення — 3000−3100 рублёў,
- спецыяліст па кадрах — 1800−1900 рублёў,
- цырульнік-мадэльер — 1200−1300 рублёў,
- майстар манікюру — 1200−1300 рублёў,
- столяр — 1400−1500 рублёў,
- ахоўнік-950 — 1050 рублёў.
Чытайце таксама
