Беларус расказаў у TikTok, што ў адным з банкаў адмовіліся абмяняць даляры з прычыны цвілі. Але яго жонцы ўдалося збыць іх у іншай касе гэтага ж аддзялення. Карыстальнікі сацсеткі пачалі дзяліцца сваім досведам.
У відэа ніжэй ёсць ненарматыўная лексіка.
«Чарговы інцыдэнт са здачай даляраў у абменныя пункты. Прыйшоў, прынёс суму ў раёне 3000 даляраў, мне вярнулі 700. Сказалі, што яны з цвіллю і іх здаць немагчыма», — расказаў беларус у відэа.
Таксама ціктокер паведаміў, што аддаў гэтыя грошы жонцы проста ў аддзяленні банка: «Кажу: „Бяры талон і ідзі ў іншую касу“». Паводле яго, пакуль ён пералічваў атрыманую ім суму, яго жонцы абмянялі ўсе перададзеныя даляры. «Усё абсалютна дакладна: вярнулі беларускія — і ніякай цвілі», — працягнуў мужчына.
@ruslannovik76 #рек #врек #доллар ♬ оригинальный звук — ruslannovik76
Беларусы сталі актыўна абмяркоўваць відэа. Некаторыя прызналіся, што сутыкаліся з падобнай сітуацыяй. Іншыя скардзіліся, што ў іх былі цяжкасці з продажам валюты, якую яны набывалі ў банках. Вось некаторыя каментары:
- «Добра, з цвіллю не бяруць. А чаму прадаюць з цвіллю, як сябе абараніць?»
- «У мяне ж была такая гісторыя: сёння купіў, а праз два дні трэба было здаваць. Дык не ўзялі, сказалі, што цвіль. Гэтая пара сотняў два дні ляжала ў мяне ў кішэні».
- «Гэта не міф, а выкананне інструкцыі. Хтосьці дакладна выконвае, а хтосьці як не сваімі рукамі».
- «Побач з домам каса. За 10 апошніх гадоў адна з касірак ні разу не прыняла ад мяне даляры, іншая — без праблем».
- «Нам ўклад аддалі ў банку старымі, а браць назад праз нейкі час не захацелі».
- «Ужо не раз было, што ў адным абменніку не бяруць (спасылаючыся на плямы), а ў іншым забіраюць без пытанняў».
- «Ды гэта ўсё скіравана на тое, каб аслабіць жаданне купляць даляры і павялічыць сумнеў у людзей да валюты, трэба ж неяк рубель трымаць».
