Групу беларускіх турыстаў, якая папрасіла дапамогі падчас спуску з Эльбруса вечарам аўторка, да паўночы паспяхова эвакуявалі, паведамляюць прэс-службы МНС Расіі і Кабардзіна-Балкарыі.
У групе было пяць чалавек — паводле ўдакладненай інфармацыі, чацвёра беларусаў і адзін растянін. Падчас спуску ў іх узніклі праблемы, дваім стала кепска, умовы надвор’я былі вельмі жорсткімі — снежная завея і шквалісты вецер. Сігнал у МНС паступіў каля паловы дзявятай вечара.
На дапамогу турыстам выправіліся восем ратавальнікаў Эльбрускага высакагорнага пошукава-выратавальнага атрада на дзвюх адзінках тэхнікі.
Групу ўдалося знайсці праз 1,5−2 гадзіны на вышыні 5100 метраў (у той час як вяршыня Эльбруса знаходзіцца на 5642 метрах).
Да 23.35 усіх спусцілі ўніз на базу атрада ў пасёлку Тэрскол. Ніхто з турыстаў не пацярпеў і ў медыцынскай дапамозе не меў патрэбы.
Дарэчы, паход не быў зарэгістраваны ў МНС.