У Мінску супрацоўнік ЖКГ у адным з двароў на вуліцы Гедройця пачаў грымець смеццевымі кантэйнерамі, а чацвёртай гадзіне раніцы. Жыхары дома паскардзіліся на яго ў адміністрацыю раёна. Там заявілі, што працоўны дзень у яго пачынаецца з сямі раніцы, і ён проста «праявіў ініцыятыву», піша «Мінск-Навіны».
Днямі ў адміністрацыю Маскоўскага раёна звярнулася мінчанка, якая жыве ў доме на вуліцы Гедройця. Яна паскардзілася на працу дворніка, які ўжо з чатырох гадзін раніцы грыміць смеццевымі кантэйнерамі.
— Світае рана, і такім чынам работнік праявіў ініцыятыву, з уласнага жадання выйшаў працаваць крыху раней, каб выканаць свой аб’ём работ. Але не ўсведамляючы, што пэўны шум, які даносіцца да жыхароў, стварае сур’ёзныя нязручнасці, — сказала кіраўніца адміністрацыі Маскоўскага раёна Таццяна Калядка.
Як яна патлумачыла, у адпаведнасці з кантрактам у дворніка працоўны дзень пачынаецца з 07.00.
Калядка адзначыла, што ў адміністрацыі раёна яшчэ раз дадаткова акцэнтавалі ўвагу таварыства ўласнікаў, дзе працуе супрацоўнік, на неабходнасць прытрымлівацца графікаў працы.