Жыхарка Мінска выклала ў TikTok відэа пра тое, як спрабуе выйсці на патрэбны бок з пераходу станцыі метро «Плошча Перамогі», але з некалькіх спробаў не можа гэта зрабіць. Аказалася, такая ж праблема і ў многіх іншых гараджан і прыезджых: яны гадамі блытаюцца ў мінскіх пераходах і не могуць знайсці выхад.
@marrrkkkaa #marrrkkka #врек #minsk ♬ Подлая Еврейская Музыка (Kirby Air Ride: Item Bounce) — Dobranotch
«Ходзяць чуткі, што „не мог знайсці выхад на плошчы Перамогі“ хочуць зрабіць паважлівай прычынай спазненняў», — пракаментавала аўтарка відэа.
Мяркуючы з роліка, ёй давялося добра паблукаць па гэтым пераходзе ў дарэмных спробах знайсці правільны выхад на паверхню. Адзначым, ля станцыі метро «Плошча Перамогі» ў цэнтры Мінска сапраўды даволі шмат выхадаў, прычым частка з іх — да «тупіковай» пляцоўкі з Вечным агнём ля абеліска, што можа збіць з панталыку некаторых пешаходаў.
Многія карыстальнікі паскардзіліся, што таксама не могуць з першай спробы знайсці выхад з «Плошчы Перамогі», нават калі шмат гадоў карыстаюцца гэтым пераходам:
Людзі блукаюць не толькі на «Плошчы Перамогі»: мяркуючы з каментароў, сярод самых заблытаных станцый метро аказаліся «Кастрычніцкая», «Каменная Горка», «Інстытут культуры», «Плошча Леніна», «Плошча Францішка Багушэвіча». Але бясспрэчны лідар сярод мінскіх лабірынтаў — «Пушкінская».
«Другі месяц на „Пушкінскай“ хаджу, усё ніяк не магу выйсці», — ці то жартам, ці то ўсур'ёз расказаў адзін карыстальнік.
Многім гараджанам блуканні пераходамі сур’ёзна псуюць жыццё: адны праз гэта спазняюцца на аўтобусы, іншыя — на важныя мерапрыемствы.
- «Я праз гэта баюся на метро ездзіць, я адтуль не выберуся», — прызналася мінчанка.
- «Я так згубіўся, лёг на падлогу, заплакаў», — напісаў іншы.
Некаторыя бачаць крыніцу праблемы ў непрадуманай схеме навігацыі на станцыях метро:
- «Мяне забіваюць шыльды на „Трактарным заводзе“. Там, дзе напісана „Трактарны завод“, стаіць Палац мастацтваў. А там, дзе „Палац мастацтваў“, сам завод стаіць».
- «Там патрэбная падлогавая навігацыя, каб проста не выходзіць дзе не трэба».
- «Наогул у метро дзіўна таблічкі працуюць: замест таго каб даць назву якога-небудзь ГЦ ці „Мака“, напрыклад, яны даюць назвы вуліц ці нумары аўтобусаў, якія супадаюць».
Тым, хто заблукаў у пераходзе, раяць карыстацца компасам, «сесці на хвост да якога-небудзь чалавека звычайнага і назіраць за ім, куды ён пойдзе», або папросту спытаць дарогу ў мінакоў.
А адна з нешматлікіх шчаслівак, якая не губляецца на мінскіх станцыях, чакае, «калі з’явіцца вакансія правадыра, каб выводзіць заблукалых».
Чытайце таксама
